Сентябрь айында Түркияда өтө турган көчмөндөр оюндарынын проморолиги жарыяланды.
Видео ролик “Dünya Göçebe Oyunları 2022” Youtube-каналына жүктөлдү.
Анда көчмөндөрдүн баары бир түндүктүн алдына бириккени чагылдырылган.
Көчмөн элдер көптөгөн окуялардан кийин кайрадан табышып, бири-бирин толуктап, маданиятын сактоо менен тарых уланып жатканы айтылган.
Белгилей кетсек, IV Дүйнөлүк көчмөндөр оюндары 29-сентябрдан 2-октябрга Түркиянын Бурса провинциясынын Изник шаарында өтөт.
Ага 74 мамлекеттен 2050 этноспортчунун катышуусу күтүлүүдө.
Буга чейин Дүйнөлүк көчмөндөр оюндары үч ирет Кыргызстанда өтүп, 2016-жылы эстафета Түркияга өткөрүп берилген.
